三重彩

八達通無左學生價以黎第一次用成人價搭地鐵返工, 估唔到今朝咁好彩。如常地九點十五分出門口, 如無意外的話, 一般九時五十七就可以返到公司, 而過左十點零五分先算遲到。 去到月台, 剛好一架去油塘的列車開走了,等了三四分鐘另一架才到。列車到了油塘, 下車後, 對面去北角的列車又駛走了, 這樣我又用了兩分半鐘來轉車。列車去到了北角, 這次開始有不祥的預感, 而這個不祥的預感在五分鐘後應驗了, 列車去到北角時, 對面往上環放向列車剛好開走了。最後再花了兩分多鐘的時間等往上環的列車。

在這個敏感時期, 遲一次到都好大件事。這次深知不妙, 去到銅鑼灣站已經"步"定響列車閘門前。十點零一分, 車一開門我就一支箭似的衝向A出口, 沿著那條斜路一跑呀跑, 再上兩條電梯才出到地面, 然後直奔往波斯富街。由V.C的門口進入, 同事說:"哦, 你遲到!" 當時我真的跌進了絕望的深淵, 點解我會咁黑仔?究竟我跑得咁快做乜野... "啊, 唔係, 依家十點零四分咋~"

好彩...定係唔好彩?