簡單願望

我要多點回家同屋企人吃飯。

錢

我今日問一個有錢的同事, 問他有錢開唔開心,有錢既時候開心D定係無錢既時候開心D.他說, 越有錢就越唔開心, 因為越有錢就越多煩惱, 越多煩惱就越唔開心。但係依家翻唔到轉頭, 越有錢就越想更加有錢,同埋人從來都唔會覺得錢係足夠既。我以前覺得第時大個找到一分唔使點做一個月有萬幾蚊既工就好開心, 但係實情又唔係咁。人總係得一想二。

素顏

今日Ana. R與男友來到本店看表, 事後我才知道那是她。因為今天她完全沒有施脂粉, 面色暗啞, 而且雀斑盡現,一時間認不出來。後來同事告訴我, 我還跟他們爭論了一會兒。可以在周末人來人往的時代廣場放下名模的身份用最真的一面示人, 其實這才是自信的表現。聽說有些日本女子老公婚前婚後都從來沒見過她落了妝的樣子, 也有些人落街放狗或買點東西也要化個妝。

回到CWB

去完尖沙咀取經之後, 返翻黎CWB,Time square積家新店今日第一日開, 而我今日也開始在那裡開工。我喜歡搭港島線, 即使是返尖咀時也搭港島線,一黎港島線都響地底, 唔會好似九龍咁光,等我可以響地鐵入面訓得好D,二黎港島線多D美女, 三黎一程入面過兩次海, 而且距離遠D, 但係收$6.6, 而觀塘去CWB就要$9.5, 感覺上賺左。

無人理x3

有日早上搭地鐵, 有個八十幾歲的阿伯,企都企唔穩, 無人讓位俾佢, 人人詐看不見。有位女士, 手上拿著一袋二袋,出車廂時個旅行箱倒在地上, 無人理。中午吃飯時, 離遠看見個婆婆樣子很無助,原來她想回青衣但不知在哪兒搭車,大街上人來人往, 也是無人理。難怪街上常常有些失蹤老人的街招。

究竟點解會咁?

第一次去上海 Day 2

太耐之前的事了。只記得那天日頭玩Wargame,夜晚第一次邀請女仔出去跳舞,喝了十幾杯紅酒幾罐啤酒,還有抬喝醉了的同事回房...

Learning keeps one fresh!

調左去大鋪做exchange student, 雖然日日都俾人鬧, 日日都好累咁回到家, 但係每日都學到D新野, 希望可以留久一點。