適應緊

今個月月頭轉了去賣江斯丹頓和Franck Muller,開始學下講價。平時買野好少會講價, 更何況依家賣野。客人雖多但係每次都做得唔好, 同事有好多善意既批評。希望快D可以提升到議價能力。

年初四

年初四, 上女朋友家拜年。上去之前知道世伯準備左八"送"一湯, 真係嚇左一跳。女朋友話今餐仲好過佢吃團年飯果餐。

牛年快樂!

牛年的第一天, 我因為之前那晚四點鐘才睡, 整天都很累。今年只去了西環姨婆的家拜年, 姨婆大女麻女麻十二歲,今年有九十歲了, 可是看上去還年輕, 笑容一直掛在嘴邊。姨婆笑得那麼開心, 除了是因為我們去拜年, 想必也因為她的孫子生了個孩子, 她晉升為太婆, 一家四代同堂。一個未滿月的蘇蝦跟一個九十歲的老太婆在一起,多麼奇妙的一回事。

以前新年要去遍港九新界拜年, 現時大了, 有選擇權可以說不去就不去. 畢竟爸媽也明白有親戚關係的人雖然很多, 可是有親情的人卻不多。

初二了, 終於可以洗個頭, 很癢。

殼

今個月的收入豐厚, 有雙糧、花紅、信封錢、Incentive、Push money, 仲有埋小小飯錢, 但係就無左好多私人時間, 日日返到屋企都好似剩翻個殼咁。

記住, 多點笑

落到樓下的時候, 滿腦子想著怎樣才能讓喜歡的人開心幸福。
這時候一架巴士經過, 巴士上寫著:

記住, 多點笑

真的這樣簡單嗎?

丏衣

旺角登打士街有個老的女丏衣正在行丏, 有一個中年女途人出於好心給了她五毫。女丏衣看到是五毫之後, 立刻把那五毫從丏衣兜裡把那五毫拿出來還給那女途人, 還要向著她耍手拎頭, 仿佛在告訴女途人:「五毫子咁少,你當我丏衣呀?」女途人無奈地收回那五毫。

原來丏衣也有拒絕受丏的時候。

一家三口

今日有一家三口包括爸爸、媽媽同埋一個年約四五歲的小朋友來看表。一開始我還以為是爸爸想看表, 後來才知道是小朋友想看。個小朋友同我講:「唔該我想睇下隻James Bond...」佢媽媽就話: 「佢好鐘意James Bond架, 想儲錢買依隻Planet Ocean」對著個我接觸過年紀最輕的客人, 當然也一視同仁, 於是我幫他戴上這隻James Bond在Quantum of Solace戴過的planet ocean, 表面直徑有45.5mm, 就是我戴上也太大。幫小朋友戴上這隻planet ocean 的情境十分有趣, 我一路戴一路為他介紹這款表。戴上後, 雖然個表殼好一隻餐碟咁平放響佢的手腕上面, 但小朋友說他很喜歡, 想儲錢買。我問他一個禮拜儲多少錢, 她媽媽說他還未有零用錢。臨走既時候,見佢咁鐘意James Bond, 送左兩本James Bond既書仔俾佢。